Duela bi urte arte ez zen hitzik ere egiten gaiaz. Egun, laneko jazarpena edo mobbing-a badela ezin ukatuzko errealitatea da. Lan osasunaz arduratzen diren erakundeak urtetik urtera salaketa gehiago ikertzen ari dira Euskal Herrian. Salaketak, ordea, ale bakanak dira oraingoz; han-hemenka agertzen dira. Lan Segurtasunerako eta Osasunerako Europako Agentziaren arabera, langileen %9k jasaten dute mobbing-a, hau da, hamarretik batek. Kaltetuena, berriro, betikoa da: emakumea. Alde guztietatik iritsi dira gero eta ageriago den gaitzari aurre egiteko neurrien eskeak.

ZER DERITZOZU GAIAR? EZAGUTZEN AL DUZU KASURIK? BIKTIMA ZEU BAZINA, SALATUKO AL ZENUKE? ZER EGIN BESTELA?

Comments

(Argia, 10/01/10)

Munduko 193 estatutako ordezkariak bildu dira Kopenhagen eta ez dira ia ezertan ados jarri. Azken egunean parranda egin zuten hainbat agintarik hiru orriko dokumentua sinatzeko. Adostasuna lortu omen zuten, eta bertan mende honen amaieran tenperaturaren igoera 2ºC baino txikiagoa izateko borondatea azaldu dute.

Benetan irrigarria, lotsagarria eta mingarria izan da Kopenhagekoa: denon patrikatik ateratako diruaren kontura tintaz betetako hiru orriko dokumentua baino ez dute sinatzerik izan. Beste hitz batzuekin esanda: oraingo belaunaldia ez da gai arazoari aurre egiteko, eta gure ondokoei utziko diegu ataza. Hori idatzi izan balute, bederen, adostutako dokumentuak egiazko egoera islatuko luke, eta ez orain gauden alegiazko egoera hau.

AGINTARIEN LANA ESKASA IKUSITA, NORK BERE INGURU TXIKIARI ERREPARATZETIK ETORRIKO AL DA ALDAKETA? BEHARBADA, EZ LEGOKE HORI BAINO PROTOKOLO ERAGINKORRAGORIK!! ZER DERITZOZU?

Comments

Xabier Aierdi (Zeberio, 1957)EHUko soziologia irakasleak gogoko du futbola. Ez du lotsarik onartzeko, nahiz eta, gogoratzen duen moduan, garai batean giro progresistetan gaizki kusia egon zaletasun hori. «Baina gero Realak bi liga txapelketa irabazi zituen, beste bi Atbleticek, eta denak atera ginen armairutik. Denoi gustatzen zitzaigula konturatu ginen».

Gustatu edo ez;futbolak rol sozial garrantzitsua betetzen duela ezinda ukatu: «Batez ere,ordezkapen rola. Futbolaren bidez, taldeak zaleak ordezkatzen ditu, eta hara transferitzen ditugu gure nahitasun eta atxikimenduak. Futbolariak gu ordezkatzen gaituzten Soldadu zibilak dira, eta futbol taldea, armada zibila. Hori Bizkaian argi ikusten da Athleticen kasuan. Bizkaitar guztiak batzen dituen gune sinbolikoa da Athletic, nazio sentimenduak, ideologiak eta abar gainditzen dituena,  eta nekez aurki,genezake hain adostasun zabala biltzen duen gunerik.

Komunitate irudikatua» kontzeptua darabil Aierdik zaleen atxikimendu hori adierazteko. «Denok gara komunitate irudikatu bateko kide, norberak lotura afektiboa duen komunitateko partaide. Nik ez ditut ezagutzen euskaldun guztiak, eta ezin ditut ezagutu gainera,baina badaukat lotura ezkutu bat horiekin, komunitate irudikatu borren partaide sentitzen naizelako. Eta futbol zelaian komunitate irudikatu hori gauzatu egiten da».

Aierdik dioenez, gaur egun,kirola eta bereziki futbola izan daitezke tresnarik eraginkorrenak nazio sentimendua indartu eta gizarteak nazionalizatzeko.Gizarteetan «zementu lana» egiten du futbolak, barne kohesioa sustatu eta komunitate baten partaide izatearen sentimendua indartuz. Horrek esanahi berezia hartzen du Euskal Herrian, «batez ere, estaturik ez daukagulako. Estatu ezaren metafora izan daiteke futbolari gainezartzen diogun esangura. Gurean sinbolo handiagoak dira futbol taldeak, horren bidez neurri batean bideratzen dugulako gure izaera nazionala. Ez guk bakarrik, gure aurkariek ere bai. . Horregatik, euskal taldeak kanpora joaten direnean, Espainiako banderen kopurua handitu egiten da harmailetan

ZER DA FUTBOLA ZURETZAT?

Comments

Ekonomiaren kimuak

Arantxa Urretabizkaia / El Diario Vasco (09-11-17)

Hainbeste ahaleginen buruan, hainbeste sufrimenduren ostean, badirudi han-hemenka, zuhaitz zaharrak bota dituela kimu berriak. Frantzian, Alemanian, Txinan, Italian, Estatu Batuetan eta, orain, Nafarroan beherakada gorakada bihurtu omen da. Ekonomikoa, noski.

Zalantzarik gabe, agintari guztiek sartu nahi lukete zerrenda horretan, azken postuan bada ere. Beraz, zorionak gainerakoei arrastaka eramango gaituztenei, bejondeiela.

Baina kortesiak agintzen duen lehen pauso hori eman ondoren, zilegi da norantz goazen galdetzea. Askorentzat, erronka geunden lekura lehenbailehen itzultzea da, amets txar batetik ateratzen denaren modura. Helburu hori, ordea, ezinezkoa da, bizitzak eta ekonomiak ez dutelako atzerabiderik, ezin delako sekula santan abiapuntura itzuli.

Ez da falta, beste muturrean, den-dena errotik aldatu nahi duenik, aldaketa ekonomiaren oinarrietaraino eraman nahi duenik. Bitartean, ikasle saiatuen zerrendan sartu direnak ez doaz bide horretatik. Gehienez jota ere, ekonomia pittin bat aldatu dute, gauzak zeuden hartara itzul daitezen. Nafarroa bera horren adibide da.

Adituen esanetan, Nafarroako ekonomiak autoen salmentaren eskutik zuzendu du beherako bidea. Funtsezko ezer aldatu gabe eta erakunde publikoen diru laguntzari esker egin du gora barne produktu gordinak, hemen eta batez ere Europako gainerako herrialdeetan saldu diren autoei esker.

Esku beretik egingo du gora, luze baino lehen, autonomia erkidego honetako ekonomiak. Hurbil dauden gabonetako kontsumoak egingo du, gure artean, termometro papera.[...].

Jende askok lehen pertsonan pairatzen duen sufrimendua arintzen duen guztiak merezi du errespetua, baina okerreko bidetik, zenbat eta arinago, orduan eta okerrago. Seguru aski, langabezian dagoenari axola zaion lehen gauza berriz lana aurkitzea da, ahal bada baldintza onetan eta, besterik ezean, okerragotan. Hala beharturik, krisia lehertu zen momentura itzuli ezin badu, onartuko luke pittin bat atzerago egitea, gutxixeago kontsumitzea.

Ez dut uste hemendik ezer ikasi gabe atera behar dugunik. [...] Gutxienez ikasi beharko genuke zorrekin kontu izaten, banketxeek aurrean jarriko dizkiguten karameluak kutsatuak egon daitezkeela pentsatzen. Behintzat, gauden zulora itzuli nahi ez badugu.

ETA ZUK ZER, NOLA IKUSTEN DUZU 2010 URTEA? KIMU HORIEK LORATUKO AL DIRA?

Comments

Ane Muñoz

"Etorkizunaren urtea"
Ez didazue esango urte berri honek, 2010ak, ez duela etorkizunaren antzik. Bi mila eta hamar. Bi mila eta zer? Eta hamar, neska, eta hamar! Oraindik Kubricken 2001: Espazioko Odisea-tik urrun bagaude ere, aurtengoak etorkizuna iradokitzen dit niri. Bi, zero, bat, zero, etorkizunaren urtea... edo... bukaerarena?

Gogoratzen dut txikitan nola esaten ziguten 2000. urtea munduaren bukaera izango zela. Ez dakit Nostradamusek edo zeinek demontre iragarri zuen hura, baina nire ume-begi inozo horiekin, helduek benetan sinesten zutela ulertzen nuen. Animalia eta landareekin batera suntsituko gintuen eztanda moduko boom baten ondorioz, gizaki guztiak di-da batean desagertuko ginen. Baina nola, «bat, bi, hiru eta akabo mundua»? Haiek buruhausteak. Zenbat gau almoadarekin gora eta behera, ustezko betiko bukaera hark ni oraindik gazte harrapatuko ninduelakoan.

Iritsi zen 2000. urtea, ondo iritsi ere, eta gau hartako mahatsak lehor xamarrak bazeuden ere, ez zen deus berezirik gertatu. Geroztik hamarkada osoa joan da. Pezeta desagerrarazi zuten, euroaren truke. Horrekin batera, kolpez, prezioen gorakada basatia etorri zen. Mundua hankaz gora bazegoen, ostikada batez beste puntara bidali genuen, eta halaz eta guztiz, ez zen bukatu. Orain, 2010ean, badakit mundua ez dela inoiz bukatuko. Gure bizitzak itzaliz eta piztuz joango dira, eta orain gaudenok bezala, gero egongo direnek Mundua hondatzen jarraituko dute, baina ez dute akabatuko.

Zoritxarrez hondamendiak aurrera egingo duela iragarri badezaket ere, izan bedi gutxienez urte garbia, askea, bidezkoa, baketsua, lasaia eta freskoa.

ORAIN ZURE TXANDA HELDU DA:egin 2009 urtearen balantzea; datorren urteari begirako zure erronka nagusiez mintzatu; nolakoa izango den datorrena irudikatu eta ,azkenik, esaguzu zein den 2010ean entzun nahi izango zenukeen albistearen titularra.

Comments

Kontsumo haurtxoaren jaiotza. Ospakizun handia heldu baino bi hilabete lehenago hasten dira hura gurtzeko errezuak. Telebista du eliza, eta iragarki estiloko jantzia sotana. Ordu erdi luzeko errosarioan hasita, ahulenak gozatu nahiko ditu lehenik, sineskorrenak. Modako aberaskumearen itxurako panpina sexi anorexiko hiper-fashion bitxizaleak, neskatoentzat. Ultraheroi transformagarri borrokazale ahalguztidunak, mutikoentzat.

Lurrinak heltzen dira gero. Gure ezintasunak aitaren batean gaindituko dituzten ur sakratuak, ametsak egia bilakatzeko mirariak: B delicious DKNY, Spirit Antonio Banderas, Intimately Beckham. Eta Age Killer bezala, betierekotuko gaituzten kremak, makillajeak. Gizontasunaren maila goratzen duten ordulariak. Maite dugunari kosta ala kosta erosi beharko genizkiokeen nolakotasunak.

Urtaroa balitz bezala epe finko baterako ezinbestean heltzen den tortura psikologiko sistematikoa da Gabonetakoa. Honezkero, ederki estututa gauzka bere atzaparretan. Ez dago inora ihes egierik.

ZUK ZER, IHES EGIN NAHIKO ZENUKE ETA EZIN AL DUZU? ZER DIRA GABONAK ZURETZAT?

Comments

"Txinak Urumqin hamar mila uigur desagerrarazi dituela salatu dute". Txinak kargu hartu dio Japoniak Pekinen duen enbaxadoreari, uigurren buruzagiari hara joateko gonbita egin diolako (2009-07-30)

(2009-12-12)
"EBk 7.200 milioi euro emango dizkie herrialde pobreenei. Garapen bidean dauden estatuek klima aldaketari aurre egin ahal izatea da Europako Batasunaren helburua Txinak salatu du epe laburrerako diru laguntzak ez direla nahikoak"
(2009-10-02)
"Handitasuna handikeriaz. Erakustaldi arranditsuak egin dituzte Txinako Herri Errepublikaren 60. urteurrena ospatzeko"
(2009-09-27(
"Analisia. Krisiak krisi"
...Txina omen da krisialditik salbu dagoen herrialde bakarra. ...
(2009-06-03)
"Twitter, Hotmail, Flickr eta Bing zentsuratu egin dituzte Txinan"
(2009-03-25)
Iaz 2.390 lagun baino gehiago exekutatu zituzten, %72 Txinan. Heriotza zigorra indarrean duten 59 herrialdeetatik 25ek bakarrik egin dituzte exekuzioak

HAU GUZTIA JAKINDA, EMAGUZU TXINARI BURUZKO IRITZIA. HERENSUGEA ESNATU AL DA? BELDURRIK IZAN BEHAR AL DIOGU?

Comments

PUTA!

Aspaldikoa da pasadizoa, gaztelaniaz entzun nuen lehendabiziko aldiz. Euskaraz dakart hona. Mojen eskola batean zebilen haur batek, etxera iritsi eta honela errezatzen omen zuen: «Agur Maria, graziaz betea, ixo!, Jauna da zurekin...». Ixo hori, begi-bistakoa da, mojak errezoaren erdian umeei botatzen zien agindua da.

Egunotan irakurri berri dut, genero indarkeriaren harira argitaratu diren lan ugarien artean, ume batek puta deitzen ziola bere amari ama deitu ordez, aitari horixe entzuten ziolako behin eta berriro.

Izugarrikeria, egunerokotasun bihurtua; izugarrikeria, haur baten galbahe psikologikoak eta linguistikoak normaldua, eguneroko bihurtua.

Idazle senak eszena irudikatzera narama. Gau lazgarri baten ondoren, ama umeari gosaria ematera doanean, txikiak amari... Kanpotik begiratzen ari naiz ni, elipsi bat egin dezaket. Haurrak, ez. Izugarrikeriak dena lohitzen du, izugarrikeriak ez du elipsirik.

Comments

Zinema leihatiletan arrakasta izaten ari da. Diotenez, "2012" filmaren estreinaldiak ez dio lehia handirik suposatuko, denon ahotan dabil eta horrek bere alde egingo omen du.

Daniel Monzonek gidoi sendoa eta osatua ekoiztu omen du eta Luis Tosarren lana paregabea omen da. Goya saria jasotzeko hautagaitzat daukate dagoeneko Luis askok eta askok.

Oso film entretenigarria omen da, nahiko sekuentzia gogorrak dituena portzierto. Ez omen du inork txintik esaten aretoan, eserlekuan itsatsita baleude bezala. Gainera gidoiak Ameriketako "happy end" delakotik urruntzen gaituen zenbait ezusteko omen ditu.

Hau guztia ikusita, gaur bertan ikuslearen eguna dela aprobetxatuz, badakizue astegun buruzurian aparteko zerbait egiteko, zinemara joan eta berau ikusiko dut. Esango dizuet zer iruditu zaidan!!
ARAN

Comments

"DIRU MURRIZKETAK ABIADURA HANDIKO TRENAREN IBILBIDEARI"
www.berria.info (09-10-28)

Eusko Jaurlaritzak atzo jakinarazi zuen krisi ekonomikoa dela-eta abiadura handiko trenaren lanak «pixka bat» atzeratu egingo dituztela, EAEko 2010eko aurrekontuetan inbertsioetan iaz baino 260 milioi euro gutxiago jarri dituztelako. «Proiektu batzuk atzeratu egingo dira krisiagatik, baina ez dugu haietako batere bertan behera utziko», esan du Lakuak. 225 milioi euro ipini dituzte AHTrako.

Eta orain konturatu al dira gehiegizko gastua duela AHTak?

Ez zuten bada esaten Europatik etorriko zela diru hori guztia? Non dira, bada, Europako sosak?

AHT Ez! Elkarlanekoak gezurtitzat jo izan dituzte «tren» horrek izango duen gastu ikaragarriaz kexatu direnean, eta hara! Orain dirurik ez ei dago!

Hori bai, ondo disimulatu dute, eta hezkuntza eta osasuna erabili dituzte horiei dirurik murriztu ez balitzaie bezala agertzeko. Onak dira! (ez sinetsi, aurretik gutxitu zuten dirua).

Trena maite dugulako, AHTri ez!

Alferrikakoa delako, AHTri ez!

Gastu handia duelako, AHTri ez!

Ez delako beharrezkoa, AHTri ez!

(Trenzalea)

HONEN INGURUKO IRITZIA EMAGUZU: ALDEZKOA AL ZARA? ZERGATIA ARGUDIATU. KONTRAKOA BESTELA? ARRAZOITU.

Comments

Bortxatu zuen gizonarekin ezkontzera behartu dute emakume bat Indian. Kairiko hiri auzitegi islamiko batek panchayat senarra eta etxea utzi eta aitaginarrebarekin ezkontzera bahartu du 28 urteko emakume bat. Aitaginarrebak bortxatu egin zuen emakumea eta bortxaketa hori garbitzeko, enakumeak harekin ezkondu beharko du orain. Zazpi hilabetez, gainera, etxea ere utzi beharko du, han bortxatu zuelako.

ZINEMA. Theo Van Gogh zinemagilea hil dute tiroz. Islamean emakumeek bizi duten egoerari buruzko film bat egin zuenean mehatxuakjaso zituen zuzendari herbeheretarrak

...Hain zuzen ere, filmaren ekoizleetako batek adierazi zuen Van Goghek ez ziela mehatxuei garrantzia handirik eman: «Bera polemikoa zen berez eta baita diskurtso askearen maisu bat ere».Submission filmak gizon batekin ezkontzera behartzen duten emakume baten istorioa kontatzen du, eta, besteak beste, senarrak eta osabak bortxatzen duteneko irudiak erakusten ditu......Hirsi Alik berak azaldu duenez, bere aitak gizon batekin ezkontzera behartu zuen, eta hori saihesteko, ihes egin zuen: «Aitak Kanadara eraman nahi ninduen, gizon hura han bizi baitzen, baina Alemanian gelditu ginen eta ez nuen hurrengo hegazkina hartu»...

BA AL DAKIZU...
-India aldean eta herri musulmanetan alaba saltzea ez da delitua.
-Milioika haur ezkontzen dituzte munduan, baita jaio aurretik ere.
-Rajasthango estatuan, haur ezkontza nozitzen duten neskato eta nerabe andana dago.
-Alemanian urtero 30 mila emakume –adingabeak asko eta asko- ezkontzera behartzen dituzte.
-2008tik 2017ra 100 milioi neskato ezkonaraziko dituzte, Save the Children erakundearen arabera.

ZER DERITZOZU? KONPONBIDERIK?

Comments

Begi-bistan dugun korapiloa ikusi nahi ez duenak ere badaki, martxa honetan, munduak, biosferak, lurrak ezingo duela gehiago amore eman. Duguna baino gehiago gastatzen dugula, ez daukaguna ere zorretan hartzen dugula, berrituko ez dela jakinda ere.
Edonork daki energia gehiago kontsumitzen dugula gaur, duela berrogei urte baino, hemen eta Afrikan. Agian askok ez daki epe horren buruan ehuneko zazpiehun dela energia kontsumoaren igoeraren portzentaia.

Bistan da askori ez zaiola asko axola. Etekinak gaur eta ondorioak etorkizunean. Laster hustuko ditugu itsasoak, laster pozoinduko guztiz airea, laster agortuko petroleoa. Laister, agian ordurako ez gara bizirik egongo gaur lur gainean bizi garenok, baina laister izango da.

Dirudienez, noizean behin borondate oneko elkarte eta erakunde batzuek gogoratzen ditugunez, bi bide daude munduaren galbidea zuzentzeko: lehena, gutxiago kontsumitu, bigarrena, populazioaren hazkundea mugatu.

Bigarrenari buruz ez dugu bazter honetan zerikasi askorik, baina lehenengoari dagokionez, kontsumoa gutxitzeari dagokionez, apenas hasi garen begiak zabaltzen, jaio berriak gara.

Eta aberats berriak. Ez dugu gastatzen ikasi. Batzuetan gastatzen dugunik ere ez dakigulako. Beste batzuetan ohikeriari amore ematen diogulako. Edo gu joan ondoren gertatuko dena axola ez zaigulako.

Badakigu bizi gaituen lurraren emaitzak ez direla mugagabeak, baina jakituria hori hor gelditzen da, ezertan gauzatzen ez diren hitzen linboan.

Comments

ABORTUAREN AUZIA
Arantxa Urretabizkaia / El Diario Vasco
09-11-04

Barkatu atzera begira jartzen banaiz, baina egunotan abortuaren inguruan entzun eta irakurritakoak aztertu ondoren, olatu batek narama iraganera, dibortzioaren eta abortuaren legeak onartu eta eztabaidatu ziren garaietara.

[...] Hain zuzen, aspaldian erabilitako arrazoibide berak erabiltzen direlako gaur, alde nahiz kontra. Aldatu dena gizartea da, horretan behintzat arrazoi du jeltzaleek landutako agiriak. Zorionez ala zoritxarrez, gaurko gizartea ez da duela mende laurdenekoa, ikuspuntu ugaritik begiratuta.

Aldatu ez dena legearen norabidea da: indarrean dagoenak eta indarrean egon daitekeenak helburu bera dute, alegia, abortatzeko erabakia hartzen duen emakumea ez zigortzea, ez espetxeratzea.

Era berean, bi legeok abortatu nahi duenaren erabakia errespetatu egiten dute. Ez dute inor abortatzera behartzen, dibortzioaren legeak inor dibortziora behartzen ez duen bezalaxe [...].

Gero, noski, sinesmenak daude. Batzuk sinesten dute umekia, ernaltzearen lehen segundotik, pertsona dela eta abortuak handik aste askotara pertsona izango dena erailtzen duela. Beraz, abortatzen duena erailea da eta haren alde egiten dutenak gaizkideak, behin eta berriro errepikatzen dutenez.

Beste batzuk sinesten dugu abortuak ez duela inolaz ere pertsona bat erailtzen eta horren kontra daudenak atzerakoiak iruditzen zaizkigu, ez gaizkileak. Ez diegu esaten abortatu nahi duen emakumeari bidea oztopatzea eta gogoz kontra ama izatera behartzea, bizitza hasi berri bat baino gehiago hondatu dezakeen tortura denik.

Bada diferentzia, ez baita berdin norbait hiltzailetzat hartzea edo atzerakoitzat [...].

Dena den, abortua guztiz debekatzen eta espetxeaz zigortzen duten legeek ez dute sekula santan inon abortua eragotzi, prostituzioa debekatzen duten legeek prostituzioari erabateko amaiera emateko gauza ez diren bezalaxe. Gehienez jota ere, abortua nahiz prostituzioa ezkutura bultzatzen dituzte, klandestinitatera.

Comments

'Adabekiak'

Nire umetako fraken belaun inguruak estaltzen zituzten adabaki eta politikoen aho-beteko berba diren beka izeneko diru-laguntzen arteko hitz-joko merkea, badakit.

Baina guztiok sinesten dugunez krisi ekonomiko, sozial eta politikoaren irteera ikerkuntzaren ondoriozko berrikuntzan datzala... beti izango da bidaia didaktikoa zer saltzen diguten eta zer erosten dugun alderatzea.

Lan sektore askotan prekarietatea ondokoaren txiskeroa norbereganatzea baino normalagoa den arren, ikerkuntzan, gainera, prekarietatea gizarteak ematen dizun izugarrizko aukera dela esaten dizute. Beka bat irabazi duzu, soilik aberastasun materiala apreziatzen dakien jendearentzat artaburukeria bat dena ikertzeko. Zerbaiten hasiera da, zuretzat, erantzukizunik gabeko gauerdiko erromantzea administrazioarentzat.

Ikerkuntzarako bekak, papereratu ez dena ikasteko, ilunpean kandelatxo batekin ibiltzeko irrikan dagoen jendea ikerkuntzaren mundura bideratzeko pizgarriak dira. Baina ezin da inor bideratu existitzen ez den mundu batera. Existitzen ez den herri bateko errepideko seinaleak dira. Jendea beste lan batekin tartekatuz, edo begi bat ikertzen eta bestea etorkizun bila ibiltzera behartzen dute. Kalitate gutxi, eta sufrimendu handia.

Ikerkuntzak, eraginkorra izateko, espezializatua, interdisziplinarra eta egituratua izan behar du. Bigarren baldintza letretako ikerlari uztarribakarrek ez dute inoiz ulertu. Eta egitura esaten dugunean lan talde iraunkor ugariez ari gara. Soilik unibertsitatea izugarri handituz edo enpresen bidez lor liteke. Produkzioaren gizartetik jakintzaren gizartera igarotzera derrigortuta gauden honetan.

Soilik errepideko seinaleen norantzan jendeari ohe bat eskaintzeko lekuren bat dagoenean izango dira baliagarri bekak. Ordura arte, jarraitu adabekiak ematen. Batzuek, belaunburuak odoletan dituzte eta.

ZER DIOZU HONI GUZTIARI? IZAN AL ZARA INOIZ BEKADUN? ZENBAT LAN PREKARIO DUGU INGURUAN? NOLAKOA DA ZUREA, DUINA?

Comments

"Bioerregaien eskaria hazi ahala, hainbat elikagai garestitzen ari dira, esnea eta ogia adibidez"

Industriak eta nekazaritza erakundeek igoera handiak iragarri dituzte datozen hilabeteetarako

BERRIA-Aitziber Arzallus

Esnea, ogia, arrautzak, azukrea, eguzki-lore olioa, haragia eta beste zenbait elikagai garestitzen hasi dira. Oraingoz, abeltzainek eta elikagai industriak baizik ez dute aldea nabarmendu. Baina, ziurrenik, luze baino lehen, herritar arruntari egokituko zaio faktura ordaintzea, erosketak egiten dituenean.

Industriak eta nekazaritza erakundeek igoera handiak iragarri dituzte datozen hilabeteetarako. Zenbait %20koak izango direla esatera ere ausartu da. Baina, gehienek diote, oraindik goizegi dela lehengaiak garestitzeak azken kontsumitzaileari nola eragingo dion jakiteko.

Hiru arrazoi nagusi daude honen guztiaren atzean. Batetik, Txinak gero eta pentsu gehiago behar du bere txerri eta oilasko industria elikatzeko, eta bere ekoizpenarekin nahikoa ez duenez, labore asko inportatzen ari da. Bestetik, lehortea dela eta, Australia -munduko hornitzaile handienetako bat- askoz gutxiago esportazten ari. Eta azkenik, bioerregaien eskaria hazten ari da.

BIOERREGAIEN ALDE ILUNA. Laboreak, azukre kanabera eta eguzki-lorea dira erregai ekologikoak ekoizteko erabiltzen dituzten lehengaiak. Hala, oraintsu arte elikadurarako baliatzen ziren hainbat uzta etanola eta biodiesela egiteko erabiltzen dira orain.

Ondorioz, azken hilabeteotan, nekazaritza produktuen prezioak, eta batez ere, gizakiek eta animaliek kontsumitzen dituztenenak, asko igo dira nazioarteko merkatuetan. Artoak, esaterako, duela urtebete halako bi balio du. Garagarraren prezioa, berriz, 10,8 zentimotatik 16 zentimora pasatu da. Eta artoak orain urtebete baino 6 zentimo gehiago balio du; lehen 13 eta orain 19, hain justu. Elikagai horiek inoiz ez ziren hainbeste garestitu hain denbora laburrean.

ZER DERITZEZU NEKAZARITZA-ERREGAIEI?

Comments

Ez dakizue asteburu honetan zer egin? Hona hemen nire proposamena!
Udazkena oso garai ona da Iratiko Oihana bisitatzeko. 16 ibilbide prestatu dituzte eta oso erraza da hauek jarraitzea, seinale ugari baitago. Ibilibide hauek oinez nahiz bizkletaz egin daitezke.
Basoan ibiltzeaz gain, inguruan Otxagabia bezalako herri politak dituzu.
Anima zaitez!

Comments

Interneteko mundu nahasgarri horretan nabigatzen nenbilela oharkabean aurkitu dudan berriak nire onetik atera nau. Nola? Hamar uteko neska britainiar batek amona enkantean ipini duela? Amonatxoa, enkantean?

«61 urteko amona eskaintzen dut. Ezaugarriak: oso kexatia da, astuna eta aldi berean musukatzailea eta maitagarria. Zaletasunak: tea hartzea eta gurutzegramak egitea».

Sinestea kostatzen den iragarki hori munduko edonork eskura izan dezakeen eBay web orrian ipini zuen tuntunak. Internet bidezko salerosketa enpresa horretako arduradunek, ordea, hasieran dibertigarria iruditu zitzaiela onartu bazuten ere, «gizakien salmenta ez dela legezkoa» argudiatuz iragarki surrealista hura lehenbailehen kentzea erabaki zuten. Normala. Halere, ez pentsa, kendu aurretik txikiak 27 erantzun inguru jaso omen zituen, 20.000 euroko eskaintza tentagarria tartean.

Zer deritzozu honi? Edozein gauza da onargarria?

Comments

Ikusita duzu? Horrela bada, kontaguzu zer iruditu zaizun!

Comments

Asteburuan ez dut txango berezirik egin baina hurrengo oporraldian edota eztei-bidaian, Kubara joatea gomendatuko nizueke. Denboran bidaia bat egitea bezalakoa da baina etorkizuna ezagutu beharrean, iragana nolakoa zen ikusteko aukera izango duzu.
Jendea oso jatorra eta "Me estás estresando" iragarkitik ateratakoak dirudite! Beraz, deskonektatzea oso erraza da.
Halaber, paisaiak zoragarriak dira eta aukera zabala da: itsasoa, oihana, eraikin kolonialak,...
A! eta mojitoak gozo-gozoak dira!Kar kar kar
Badaukazue beste propsamenik?

Comments

Comments